Ditën e sotme do të merret edhe vendimi përfundimtar nga Gjykata e Apelit për ish-ministrin e Brendshëm Saimir Tahiri, duke i dhënë fund një "telenovele" të gjatë shtyrje seancash.
Vendimi ishte parashikuar të merrej dy ditë më parë, por gjyqtarët Nertina Kosova, Albana Boksi dhe Dhimitër Lara vendosën shtyrjen e saj.
Saimir Tahiri akuzohet për "shpërdorim detyre", ndëfrsa avokati i tij është Maks Haxhia.
Prokuroria kërkon 12 vite burg për ish-ministrin, i cili u dënua me 3 vite burg me shërbim prove nga Gjykata e Shkallës së Parë.
Të dyja palët nuk u kënaqën me vendimin dhe e apeluan, pasi prokuroria kërkon 12 vite burg, ndërsa ish-ministri kërkon pafajësi të plotë.
Gjithçka pritet të marrë fund në orën 13:00, kur do të jepet edhe vendimi përfundimtar.