Tirana
clear sky
20.5 ° C
20.5 °
20.5 °
83 %
1.5kmh
0 %
Die
40 °
Hën
38 °
Mar
37 °
Mër
39 °
Enj
35 °
E diel, 1 Gusht, 2021

Sondazhi: Ndërkombëtarët dhe institucionet fetare, më të besueshmit për shqiptarët, bie besimi te policia dhe mjekët, politikanët dhe gjykatësit në fund të renditjes

spot_img
spot_img

Lajme të ngjashëm

Instituti për Demokraci dhe Ndërmjetësi ka publikuar sondazhin e opinionit publik për Besimin në Qeverisje për vitin 2020 në Shqipëri.

Në raportin e këtij sondazhi theksohet se krahasuar me vitin 2019, ka rënë besimi te policia, institucionet e kujdesit shëndetësor, media, qeveria qendrore dhe forcat e armatosura, ndërkohë që është rritur besimi tek institucionet fetare.

Ndërkombëtarët dhe organizatat e tyre renditen tek më të besueshmit për publikun shqiptar, por vendin e parë e zenë institucionet fetare (69.8%).

Institucionet arsimore (54.1%), forcat e armatosura (54%) dhe organizatat e shoqërisë civile (52.6%) vijnë mē pas, me rënie nga viti i kaluar.

Kurse partitë politike (20.4%), gjykatat (23.8%), presidenti (23.9%), janë institucionet me renditjen më të ulët për nivelin e besimit.

Sa i përket reformës në drejtësi, 52.8% e të anketuarve besojnë se reforma do të ketë ndikim pozitiv në zhvillimin e vendit.

Sa i përket transparencës dhe llogaridhënies, shqiptarët e anketuar priren të besojnë se mekanizmi më llogari-kërkues në vend është Kontrolli i Lartë i Shtetit (60.7%), i ndjekur nga Media (52.8%). Por edhe në këtë pikë të anketuarit besojnë se organizatat ndërkombëtare i kërkojnë llogari qeverisë shumë më tepër se institucionet vendase të renditura më sipër.

Ndërkohë, është rritur përqindja e shqiptarëve që raportojnë se kanë paguar ryshfet për të marrë një shërbim nga administrata, nga 19% në 2019 në 32% vitin 2020.

Sa i përket institucioneve të ndikuara politikisht, prokuroria (58%) dhe gjykatat (56%) konsiderohen si institucionet më shumë të ndikuara.

Më shumë

spot_img
spot_img