Një skandal i madh po ndodh me dhënien e lejeve nga bashkia e Beratit për marrjen e inerteve në lumin Osum.
Burime nga Berati thanë për newsbomb.al se bashkia e Beratit ka dhënë leje për marrjen e inerteve në lumin Osum, por si pasojë po shkatërrohet shtrati i lumit.
Prishja e shtratit të lumit sjell edhe rrezikun për përmbytjen dhe shembjen e disa shtëpive që gjenden aty afër, të cilat janë të ndërtuar 30 vite më parë me lejen e bashkisë.
Sipas denoncimit që vjen në newsbomb, qytetarët kanë kërkuar zgjidhje në bashki dhe në polici, por kërkesat e tyre nuk janë marrë parasysh nga asnjë.
Në Shqipëri ndodh shpesh që të abuzohet me lejet e bashkive për marrjen e inerteve nga lumenjtë, ku shumë kompani janë gjobitur pasi kanë prishur shtratet e disa lumenjve.