Një skandal i madh ka ndodhur me librin e Historisë për fëmijët e klasë së katërt në Shqipëri.
Në rrjetet sociale po qarkullojnë foto ku tregohet se në këtë libër modeli i fshatit shqiptar është ilustruar me foton e një prej lagjeve më të pasura të Tiranës, ato të qendrës rezidenciale Rolling Hills.
Në këtë rezidencë vilat kushtojnë jo më pak se 500 mijë euro, ndërkohë që në libër ky “fshat” cilësohet si shumë i bukur dhe si një vend që jetohet mirë, me shkollë dhe qendër shëndetësore.
Tashmë pritet edhe reagimi i Ministrisë së Arsimit, e cila duhet të sqarojë se si një tekst i tillë është lejuar që të paraqitet para fëmijëve.