Hapësire reklamuese

Çështjet kryesore

Aktualitet

Situatë e qëndrueshme e COVID-19 në Shqipëri, bie ndjeshëm numri i rasteve aktive në vendin tonë

Shkruar nga Newsbomb
Situatë e qëndrueshme e COVID-19 në Shqipëri, bie

Ministria e Shëndetësisë ka publikuar shifrat e COVID-19 në 24 orët e fundit, ku 39 persona kanë rezultuar pozitivë në testin e koronavirusit.

Fatkeqësisht një 72 vjeçare nga Fieri nuk ka arritur të fitojë betejën me COVID-in, duke e çuar në 2436 numrin e viktimave që nga fillimi i pandemisë. Numri i rasteve aktive në vendin tonë ka rënë ndjeshëm, pasi 3230 qytetarë po luftojnë me koronavirusin në Shqipëri.

Njoftimi i Ministrisë:

Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga COVID19.

Situata e COVID19 në 24 orët e fundit është si vijon: Janë kryer 3169 testime, nga të cilat kanë rezultuar pozitivë 39 qytetarë.

Rastet pozitive të konfirmuara janë identifikuar në këto bashki: 6 në Gjirokastër, 4 raste në Shkodër, nga 3 raste në Tiranë, Devoll, Berat, Vau i Dejës, nga 2 raste në Durrës, Fier, Pogradec, Sarandë, Malësi e Madhe, nga 1 rast në Lushnje, Mirditë, Tropojë, Kamëz, Gramsh, Skrapar, Dropull.

Në 24 orët e fundit janë shëruar 986 qytetarë, duke e çuar numrin e të shëruarve në 126,405 që nga fillimi i epidemisë. 

Aktualisht në spitalet COVID po trajtohen 71 pacientë nga të cilët 7 pacientë janë në terapi intensive. 

Me gjithë përpjekjet e stafit mjekësor betejën me COVID19 nuk e ka fituar 1 qytetare 72 vjeç nga Fieri. Ministria e Shëndetësisë dhe Mbrojtjes Sociale i shpreh ngushëllimet familjes së të ndjerës.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Statistika (18 Maj 2021)

Raste të reja ditore         39

Të shëruar në 24 orë      986

Të shtruar në spitale      71

Humbje jete në 24 orë   1

Testime ditore                3,169 

Testime totale            682,565

Raste pozitive             132,071

Raste të shëruara        126,405

Raste Aktive                  3,230

Humbje jete                  2,436

Shpërndarja gjeografike e rasteve aktive sipas qarqeve:

Tiranë         2509

Korçë            142

Shkodër       132

Fier               74

Lezhë           71

Vlorë             66

Gjirokastër   66

Elbasan        57

Berat             51

Durrës          30

Kukës           20

Dibër           12

Lexo gjithashtu

Sondazh

Poll