Hapësire reklamuese

Rajoni

Situata e tensionuar në veri, Policia e Kosovës jep detaje: Ekipi i Forcave Speciale asgjesuan dy granata dore në Zveçan, po vijojnë hetimet

Shkruar nga Newsbomb
Situata e tensionuar në veri, Policia e Kosovës jep detaje: Ekipi i

Policia e Kosovës ka dhënë detaje për sulmin e serbëve në Zveçan dhe në Zubin Potok, ku është djegur Qendra për Regjistrim të Automjeteve.

Në një deklaratë për mediet Policia bën me dije se ngjarja ka ndodhur në orët e para të mëngjesit të sotëm, ku në Zveçan është konstatuar një xham i thyer i objektit, ku ndodhet Qendra e Regjistrimit të Automjeteve, si dhe dy granata dore, të cilat fatmirësisht nuk kanë shpërthyer.

Ekipi i Forcave Speciale asgjesuan dy granata dore në Zveçan, ndërsa janë duke vijuar hetimet për ngjarjen e mësipërme.

Kryeministri Albin Kurti i quajti të qëllimshme sulmet, ndërsa theksoi se Serbia po i nxit ato, duke cënuar paqen.

Njoftimi i policisë së Kosovës:

Me datë, 25.09.2021, rreth orës 08:45, u pranua informata se në ndërtesën "INTEL" në

Zveçan, ku ndodhet Qendra e Regjistrimit është thyer dera.

Në vend ngjarje ka dal njësiti patrullues nga (SP) Zveçan, njësitë relevante si dhe njësiti hetimor i forenzikës, ku konstatuan se në objektin e përmendur është thyer një xham i vitrinës, ku brenda objektit është vërejtur një mjet i pa eksploduar granatë dore, e zezë, e llojit të panjohur.

Ekipi i EOD-së u informua, i cili doli në vendin e ngjarjes në 09:55, dhe pas kontrollimit të objektit, u gjetën dy mjete shpërthyese, të cilat ekipi i EOD-së i asgjësoi në mënyrë të sigurt dhe të kontrolluar.

Lidhur me rastin është njoftuar prokurori i cili cilësoi rastet si vepra penale “Posedim, kontrollim i pa autorizuar i armëve” dhe “Shkaktim i rrezikut të përgjithshëm“

Lidhur me rastin hetimet janë duke vazhduar.

Sondazh

Poll

Lexo gjithashtu