Hapësire reklamuese

Aktualitet

Si do t’i përqafojë risitë digjitale biznesi më i madh në Shqipëri

Shkruar nga Newsbomb

Grupi BALFN ka ndërmarrë një proces transformimesh thelbësore duke maksimizuar përdorimin e sistemeve digjitale për të lehtësuar, përshpejtuar dhe rritur cilësinë e ofertës se shoqërive të grupit.

Transformimi do prekë çdo proces të punës së përditshme duke ndjekur edhe shembujt më të suksesshme ndërkombëtarë për secilën nga industritë ku grupi operon.

Secila prej shoqërive të grupit ka ndërtuar një Digital Champion, të cilat, të marra së bashku formojnë ekipin digjital të retail. Këto skuadra do të ndjekin procesin duke u bazuar edhe te rekomandimet e Bordit Ekzekutiv të Grupit BALFIN. Digital Champions, udhëheqësit e këtij procesi, me mbështetjen e Grupit, do të analizojnë nevojat e shoqërive dhe do të paraqesin projekte konkrete ku investimi në digjitalizim do të sjellë më shumë përfitime.

‘“Digital Champion” vepron si një udhëheqës ndryshimi, me fuqinë për të sfiduar çdo aspekt të biznesit dhe të proceseve ekzistuese. Objektivi kryesor i këtij roli është ta çojë përpara agjendën digjitale në kompanitë përkatëse duke propozuar vazhdimisht ndryshime ndaj proceseve ekzistuese, të udhëheqë nisma drejt zbatimit të tyre dhe të sigurojë që ato të jenë një pjesë e rëndësishme e strategjisë së kompanisë. Për më tepër, ata bashkëpunojnë me grupet e brendshme të interesit për ta rritur në mënyrë të qëndrueshme ndërgjegjësimin digjital, të ndërtojë kapacitete dhe të pasurojnë komunikimin dhe kurrikulën e trajnimeve’- shprehet Matilda Shehu, Drejtore e Operacioneve te Biznesit në Grupin BALFIN.

Si një skuadër, persona përgjegjës do të punojnë së bashku për të gjetur sinergji përreth grupit dhe t’i inkorporojnë ato në strategjinë e tij digjitale.

Transformimi digjital është gjithashtu një ftesët e hapur për këdo që beson se përfshirja e tij apo e saj do të ndihmonte në progresin e shndërrimit dhe nëpërmjet angazhimit në proces, si dhe të shohi në mënyrë direkte se çfarë impakti ka kjo në punën e tyre të përditshme dhe në suksesin e biznesit.

Çfarë është transformimi digjital?

Njerëzit e kuptojnë transformimin digjital në mënyra të ndryshme por ka dy element thelbësorë që janë gjithnjë pjesë e përcaktimit:

- Integrimi i teknologjisë digjitale në të gjitha sektorët e biznesit, duke e ndryshuar rrënjësisht se si ne operojmë dhe se cilat vlera u përcjellim konsumatorëve.

-Ndryshim kulturor që u kërkon bizneseve që ta ndryshojnë vazhdimisht status-quo-në, të eksperimentojnë dhe të promovojnë bashkëpunimin më tepër se sa përpjekjen individuale.

Në qendër të kësaj qëndron digjitalizimi i të gjitha aseteve të kompanive, përfshi punonjësit, proceset e brendshme, produktet, shërbimet, furnitorët, klientët dhe të gjitha ndërveprimet e tyre – duke i transformuar të dhënat në asetin më të çmuar të kompanisë.

“Duke e vendosur fokusin te të dhënat, promovohet kalimi drejt modelit të biznesit të qendërzimit të klientit – duke kirjuar një eksperiencë unike për konsumatorin për një marrëdhënie të qendrueshme dhe përfitime në harkun afatgjatë.

Transformimi digjital i nxit punonjësit që të kërkojnë gjithnjë të përmirësohen, të shohin jashtë dhe të angazhohen me klientët dhe partnerët që të gjejnë zgjidhje të reja.Ai gjithashtu përhap vendim-marrjen në kompani dhe vlerëson delegimin më tepër se sa kontrollin. Ai i nxit njerëzit të ndërmarrin rreziqe, të dështojnë shpejt, dhe të mësojnë teksa promovohet shpejtësia dhe rifillimi i vazhdueshëm i ciklit të ndryshimit. Ajo gjithashtu lips krijimin e aftësive të reja, duke përshtatur ato ekziztuese dhe duke joshur talentet digjitale” – deklaroi Gjergji Spaho, Drejtori i Sistemeve Informatike në BALFIN.

Transformimi digjital në BALFIN

Transformimi digjital në Grupin BALFIN do të fokusohet në këta 4 sektorë:

Automatizimi i Operacioneve dhe Proceseve

Digjitalizimi i proceseve bazë të biznesit duke shfrytëzuar sisteme të reja, platforma dhe shërbime digjitale për të rritur eficencën, komunikimin dhe të propozojnë vlera dhe mundësi të reja.

Qendërzimi dhe Ekepserienca e Konsumatorit

Të sjellë një përvojë të personalizuar të përmirësuar dhe pa ndërprerje në të gjitha kanalet dhe në sa më shumë kanale të ndryshme të jetë e mundur.

Të dhenat dhe informacioni në to

Identifikimi i modeleve dhe informacionit të fshehur në bazë të analizës së të dhënave historike dhe kthimi i tyre në nisma të realizueshme, si për shembull ofertat e dedikuara apo të personalizuara ndaj klienteve në bazë të kronologjisë së blerjes, të sjelljes apo të përkatësisë së grupit. 

Kultura, njerëzit dhe vendi i punës

Mendësia digjitale, përgatitja e personave me aftësitë e nevojshme, pikasja ose joshja e talenteve digjitale dhe ndërthurja e teknologjive digjitale në vendin e punës. 

Lexo gjithashtu

Sondazh

Poll