Vitet e fundit është folur e stërfolur për restaurimin e shtëpisë së At Gjergj Fishtës, por ende nuk është bërë asgjë ndërkohë që ky monument kulture po rrënohet plotësisht.
Shtëpia e “Homerit Shqiptar” ka hyrë në listën e objekteve të trashëgimisë kulturore por mesa duket Instituti i Monumenteve të Kulturës, po sheh në heshtje kthimin në gërmadhë të këtij monumenti.
Biznesmenë të shumtë kosovarë kanë shprehur gatishmërinë e tyre për të financuar restaurimin e shtëpisë së At Gjergj Fishtës por proçedurat që Instituti i Monumenteve të Kulturës duhet të bëjë, me qëllim ruajtjen e vlerave të trashëgimisë, ende nuk kanë mbaruar.
Nuk dimë edhe sa vite do duhen për të mbaruar këto proçedura por dimë se ky monument kulture tashmë ka shkuar drejt rrënimit.
A.M.