Një shqiptar që e kishte kthyer një tempull “Sikh” në “shtëpi bari” në Bradford të Anglisë është arrestuar nga policia.
38 vjeçari Fatjon Jaupas kishte hyrë në Anglin ë mënyrë ilegale dhe punonte si “kujdestar” për bimët narkotike. Gjatë kontrollit në banesë, oficerët e policisë gjetën 645 bimë kanabisi duke u rritur, të cilat nëse do të prodonin kanabis që në treg mund të shkonte në vlerën 1 milionë paund.
Jaupas u deklarua fajtor për prodhimin e kanabisit dhe u dënua me 2 vite heqje lirie, por dënimi i tij u pezullua nga gjyqtari Colin Burn, i cili tha se 38 vjeçari duhet të dëbohet menjëherë në Shqipëri, pasi nuk mund të qëndronte në burg në Angli dhe të mbahej me taksat e britanikëve.
Shqiptarët kthejnë tempullin në Angli në “shtëpi bari”, arrestohet 38 vjeçari, gjykatësi e shpëton nga dënimi me burg
