Kombëtarja shqiptare e futbollit ka nisur sot seancën e parë stërvitore, në kuadër të eleminatoreve për kampionatin europian të futbollit, Euro 2024.
Në stërvitje janë paraqitur të gjithë futbollistët e thirrur, ndërsa në fushën e blertë te “Shtëpia e Futbollit”, ka zbritur edhe trajneri i ri, braziliani Sylvio Mendes Campos Junior.
Seancën stërvitore për ndeshjen e parë kundër Polonisë që do të luhet në 27 mars, e ka ndjekur nga afër edhe presidenti i Federatës Shqiptare të Futbollit, Armand Duka.
Sulmuesi Sokol Cikalleshi është shprehur se kuqezinjtë do të kërkojnë fitoren ndaj polakëve.
Shqipëria ndodhet në Grupin E, që mund të konsiderohet i lehtë, me Poloninë, Çekinë, Ishujt Faroe dhe Moldavinë.