Shqipëria firmosi sot një marrëveshje te re bashkëpunimi me Britaninë e Madhe dhe Irlandën. Marrëveshja e zyrtarizuar nga ministri i Drejtësisë, Petrit Vasili dhe ministrin e Shtetit për Sigurinë në Britani, Ben Wallace ka të bëjë me procesin e ekstradimit.
Sipas Vasilit kjo marrëveshje është me rëndësi për thellimin e mëtejshëm të marrëdhënieve.
“Marrëveshja intensifikon luftën kundër krimit të organizuar dhe tashme do të vihen përpara drejtësisë subjekte kriminale të shpallura në kërkim prej vitesh”, u shpreh Vasili.
Ndërkohë, ministri britanik tha se në bazë të kësaj marrëveshje do të ekstradohen në Britani shtetasit shqiptar.
“Kjo është një marrëveshje në përputhje me politikat e qeverisë shqiptare. Do të ketë rritje të bashkëpunimit me Shqipërinë në luftën kundër krimit të organizuar”, u shpreh Wallace.