Ditën e sotme Shqipëria u zgjodh anëtare e përkohshme e Këshillit të Sigurimit në Organizatën e Kombeve të Bashkuara. Pas shumë urimeve nga ndërkombëtarët, ka ardhur edhe reagimi i parë nga opozita.
Ish-deputeti i Partisë Demokratike, Genc Pollo, thotë se kjo është një përgjegjësi shumë e madhe, teksa përgëzon diplomatët e angazhuar në këtë process.
Sipas Pollos, aspektet negative si presidenvë e OSBE-së duhet të mbeten në të shkuarën.
“Shqipëria është nga sot anëtare e përkohshme e Këshilit të Sigurimit të Kombeve të Bashkuara. Kjo është një përgjegjësi e madhe dhe uroj t'a ushtrojmë me përgjegjësi e përkushtim. Përgëzime diplomatëve të angazhuar në proces.
Uroj që aspektet negative si presidencë e OSBE të mbeten në të shkuarën”, shkruan Genc Pollo.