Presidenti Ilir Meta thotë se shpopullimi i vendit është një "projekt i qëllimshëm antikombëtar". Sipas tij, Shqipëria ka sot nevojë për shpresë dhe besim, që shqiponjat të kthehen dhe të qëndrojnë në folenë e tyre.
Teksa shpërndan një dokumentar të gazetarit Marin Mema, Meta kërkon bashkim të të gjithë aktorëve për të ndalur këtë fenomen.
"Shpopullimi i Shqipërisë është një projekt i qëllimshëm antikombëtar. Më shumë se kurrë, Shqipëria ka sot nevojë për shpresë dhe besim, që shqiponjat të kthehen dhe të qëndrojnë në folenë e tyre, ku të jetojnë të qetë dhe të ndërtojnë të ardhmen e sigurt europiane!
Të gjithë bashkë kundër shpopullimit të Shqipërisë! Përgëzime gazetarit Marin Mema për profesionalizmin e tij", shkruan Ilir Meta, President i Republikës.