Hapësire reklamuese

Aktualitet

Shpëtoi vëllanë dhe shokun, Policia sqaron mbytjen e Anri Kashikut në Durrës: Roja bregdetare u fut në det bashkë me 18 vjeçarin

Shkruar nga Newsbomb
Shpëtoi vëllanë dhe shokun, Policia sqaron mbytjen e Anri

Policia e Durrësit ka dalë sot me një sqarim të dytë për ngjarjen e ndodhur dje në Sektor Rinia, ku një 18 vjeçar u fut mes dallgëve për të shpëtuar të vëllanë dhe shokun e tij që po mbyteshin. Anri Kashiku fatkeqësisht shpëtoi dy fëmijët por u mbyt vetë.

Lidhur me reagimet e shumta, Policia thotë se në plazh kishte roje bregdetare dhe ky i fundit kishte vendosur flamurin e kuq, si shenjë paralajmëruese për të mos u futur në det pasi dallgëzimi ishte i lartë.

"Pavarësisht kësaj, fëmijët janë futur në det, duke rrezikuar jetët e tyre. Pas disa minutash, të miturit i kanë kërkuar ndihmë një shtetasi që po lundronte me një varkë me pedale, afër tyre. Për të ndihmuar fëmijët, në det janë futur edhe roja bregdetare dhe shtetasi A. K., vëllai i njërit prej të miturve.

Pas ndihmës së dhënë, fëmijët janë nxjerrë në breg, nderkohe qe 18-vjeçari A. K. nuk ka mundur të dalë dot pasi është mbytur për shkak të dallgëve të larta", njofton Policia e Durrësit. Në drejtimin e Prokurorisë pranë Gjykatës së Rrethit Gjyqësor Durrës vijon puna për dokumentimin e plotë të rrethanave të kësaj ngjarjeje.

Drejtoria Vendore e Policisë Durrës / Sqarim

Në lidhje me ngjarjen e ndodhur ditën e djeshme, në Sektorin Rinia, Durrës, ku humbi jetën shtetasi A. K., 18 vjec, i cili u fut në det, për të shpëtuar dy fëmijë të mitur dhe vëllain e tij, sqarojmë se:

Në vijim të veprimeve hetimore të kryera nën drejtimin e Prokurorisë pranë Gjykatës së Rrethit Gjyqësor Durrës, për sqarimin e rrethanave të kësaj ngjarjeje, ka rezultuar se roja bregdetare, shtetasi I. Sh. e kishte vendosur sipas rregullores flamurin e kuq, shenjën paralajmëruese për të mos u futur në det, pasi dallgëzimi ishte i lartë.  

Pavarësisht kësaj, fëmijët janë futur në det, duke rrezikuar jetët e tyre. Pas disa minutash, të miturit i kanë kërkuar ndihmë një shtetasi që po lundronte me një varkë me pedale, afër tyre. Për të ndihmuar fëmijët, në det janë futur edhe roja bregdetare dhe shtetasi A. K., vëllai i njërit prej të miturve.

Pas ndihmës së dhënë, fëmijët janë nxjerrë në breg, nderkohe qe 18-vjeçari A. K. nuk ka mundur të dalë dot pasi është mbytur për shkak të dallgëve të larta.

Nga ana e punonjësve të Policisë të DVP Durrës dhe DVKM Durrës është ndërhyrë menjëherë dhe pas rreth 50 minutash është gjetur dhe nxjerrë nga uji, trupi i pajetë i shtetasit A. K. Në drejtimin e Prokurorisë pranë Gjykatës së Rrethit Gjyqësor Durrës vijon puna për dokumentimin e plotë të rrethanave të kësaj ngjarjeje.

Lexo gjithashtu

Sondazh

Poll