Presidenti Ilir Meta ka vizituar pasditen e sotme familjen e nëntetares së Forcave të Armatosura Zarife Hasanaj.
Hasanaj humbi jetën ditën e djeshme në Letoni, teksa bashkë me dy kolegë të FA po punonin për pastrimin e një zone me municione të paplasura në Letoni.
Presidenti Ilir Meta ka shprehur mirënjohjen e thellë për sakrificën sublime të nëntetares Hasanaj, ndërsa është solidarizuar me familjarët e saj në këto momente të rënda.
Nga shpërthimi i minës kanë mbetur të plagosur dhe komandanti i kontigjentit, Major Klodian Nikolla Tanushi dhe Rreshter Julian Xhevat Kapaj.