Një shqiptar dhe gruaja e tij rumune kanë rënë në prangat e policisë italiane pasu janë kapur duke shpërndarë kokainë.
Policia e Modenas bën me dije se shqiptari ishte pikasur qaershorin e vitit të kaluar teksa shkëmbente një pako të dyshimtë në një parking makinash. Që atëherë ishte mbajtur nën vëzhgim nga agjentët.
37-vjeçari shqiptar u kap në një qendër tregtare, së bashku me partneren e tij 36-vjeçare me kombësi rumune. Gjatë kontrollit, policia i gjeti 34 doza kokaine me një total prej 46 gramë.
Ndërsa gjatë kontrollit në banesë, shqiptarit iu gjetën edhe 650 gramë kokainë si dhe 3,500 euro.
