Një ngjarje tragjike ka ndodhur në Brazil, ku dy influencuese janë mbytur pasi anija në të cilën po udhëtonin është fundosur. Sipas mediave të huaja, incidenti ndodhi në zonën e njohur si "Qafa e Djallit" më 29 shtator, gjatë një shëtitjeje me varkë.
Aline Tamara Moreira de Amorim, 37 vjeçe, dhe Beatriz Tavares da Silva Faria, 27 vjeçe, u gjetën pa jetë pas rrënojave të varkës. Hetimet e policisë, të publikuara vetëm 24 orë më parë, kanë zbuluar se një pjesë e pasagjerëve refuzuan të vishnin jelekët e shpëtimit, duke argumentuar se ato do të fshehnin nxirjen e tyre nga dielli dhe se po përgatiteshin për të bërë selfie.
Shefi i policisë në qytetin Sao Vincente tha: "Disa nga njerëzit në varkë nuk donin të vishnin jelek shpëtimi sepse po bënin selfie. Ata ishin të shqetësuar për pamjen e tyre."
Operatori i varkës ka theksuar se tragjedia ndodhi kur një dallgë e madhe goditi anijen gjatë kthimit në breg, ndërkohë që në bord ndodheshin gjashtë influencues, ndërsa kapaciteti i varkës ishte vetëm për pesë persona.
Sondazh
Lexo gjithashtu
Dy muaj pas dasmës, del foto e Lori Hoxhës nuse
Aktori i njohur shqiptar “rrëmben” çmimin prestigjoz në Turqi
“Ua mori çmimin pa qenë prezente”: Arilena Ara thumbon “Këngën Magjike”
Shkak bëhet Driloni, Leo i jep fund lidhjes me Lejlën në Big Brother: Mos guxo…
