
Jori Delli shpesh herë ndan video gazmore me babin e saj në TikTok. Së fundmi modelja Jori Delli, e cila është e dashura e reperit italian Fred De Palma ka publikuar një video ku tregon këngën e fundit të të dashurit, ku në një pjesë të këngës është edhe zëri modeles.
Jo, nuk këndon. Nuk është as në videoklip. Por, zëri i saj shfaqet në hyrje të këngës si pjesë e një telefonate, ku ajo në shqip thotë: “Alo! Ku je? Më mungon. Mezi pres të të takoj!”

Në mediat sociale ndjekësit e kanë komplimentuar dhe komentuar pozitivisht. Por, reagimin më të bukur e ka patur babait i Jorit. Modelja i tregon këngën ku dëgjohet zëri i saj dhe reagimi i tij është thjesht epik.
“Qenka i mirë legeni! Bravo, legeni!”, - thotë babai i Jorid duke shprehur pëlqimin e tij në një mënyrë tipike shqiptare.