Dua Lipa është një nga personazhet e famshëm që është larguar nga Los Angeles për shkak të zjarreve masive që kanë përfshirë zonat e Pacific Palisades dhe Hollywood Hills.
Në një postim të fundit në Instagram, Dua ka ndarë shqetësimin e saj për situatën e rëndë, duke e cilësuar këtë periudhë si “ditë të frikshme”.
“Disa ditë absolutisht shkatërruese dhe të frikshme në LA. Duke menduar për të gjithë miqtë e mi dhe njerëzit e qytetit që duhej të largoheshin nga shtëpitë e tyre. Do të ndaj disa kontakte që gjej për këdo që dëshiron të ndihmojë dhe të dhurojë për godinat që aktualisht strehojnë shumë njerëz të zhvendosur. Unë jam e sigurt dhe ia dola të largohem nga qyteti. Duke i dërguar dashurinë time të gjithëve që po kalojnë këtë kohë tepër të vështirë, qëndroni të sigurt dhe kujdesuni për njëri-tjetrin”, shkruan Lipa.
Aktualisht, bilanci i viktimave ka arritur në 10 persona, ndërsa rreth 10,000 ndërtesa janë shkatërruar nga flakët. Po ashtu, të prekur nga zjarret janë edhe disa emra të njohur të showbiz-it, si Paris Hilton, Denise Crosby dhe Milo Ventimiglia, të cilët kanë humbur shtëpitë e tyre.
Sondazh
Lexo gjithashtu
Egli fut Redonin në “friendzone”, i siguron Gjestit: E kam pasur si vëlla
Çfarë ndodhi në Big Brother? Produksioni merr vendimin drastik për të martën
“Të mbaj në ajër legen”, Xumi kërcënon Gjestin para syve të Eglit
Pas largimit të tij nga Shqipëria, këngëtari shqiptar provon tregun amerikan
E PAPRITUR/ Një prej banorëve lë shtëpinë e Big Brother Vip Albania
