Ndër gjërat “e pakëndshme” me të cilat duhet të përballet një aktor, janë skenat erotike ose nudo në një film.
Ka nga ata që mund të mos hezitojnë të shfaqen pa rroba para mijëra apo edhe miliona spektatorëve, por ka nga ata që as nuk e negociojnë, madje e kanë vënë si klauzolë në kontratat e tyre që të mos marrin pjesë në skena të tilla.
Disa nga zonjat e famshme të Hollivudit, të cilat gjatë karrierës së tyre numërojnë shumë pjesëmarrje në seriale dhe filma, por nuk janë shfaqur asnjëherë të zhveshura para kamerave, janë këto:
Julia Roberts
Julia Roberts e ka bërë të qartë në një intervistë se nuk do të shfaqet ndonjëherë lakuriq në ekran. Duke folur për Marie Claire, ajo tha: “Nuk do të dilja nudo në një film. Të luaj me rrobat e mia e konsideroj një performancë. Të luash me rrobat e mia është si një dokumentar”.
Sarah Jessica Parker
Sarah Jessica Parker është gjithashtu një nga aktoret e famshme të Hollivudit që refuzon të filmojë skena nudo.
Në një intervistë për Hollyëood Reporter, ajo kishte thënë: “Unë nuk gjykoj askënd që zgjedh ta bëjë këtë. Mendoj se është fantastike që njerëzit ndihen rehat duke e bërë këtë. Nga ana ime, nuk ka të bëjë fare me parimet, fenë apo ideologjinë. Vetëm se disa janë të guximshëm dhe disa jo. Unë nuk jam në atë listë që s’kam guxim”.
Kristen Bell
Edhe kur iu desh të vishte të brendshme për të filmuar një skenë në "House of Lies", Kristen Bell u kujdes që ajo të mos ishte shumë zbuluese, pasi tha se nuk ndihej rehat të tregojë aq shumë trupin e saj.
“Kur m’u desh të qëndroja me sytjena dhe të brendshme në ‘House of Lies’, u sigurova që asgjë të mos shfaqej”, tha ajo për Ëomen's Health.
Jessica Alba
Arsyeja pse Jessica Alba nuk dëshiron të shfaqet kurrë e zhveshur në një film nuk është askush tjetër veçse familja e saj. Aktorja shpjegoi në një intervistë për Glamour se e vetmja arsye që ajo nuk ka filmuar një skenë nudo është sepse ajo nuk dëshiron që familja e saj ta shohë atë.
“Nuk dua që gjyshërit e mi të shohin gjoksin tim. Kjo eshte e gjitha. Do të ishte e vështirë në tryezën e Krishtlindjes”, ka thënë ajo më herët.
Jennifer Garner
Kur u pyet në vitin 2009 nëse do të dilte ndonjëherë nudo në ekran, aktorja menjëherë e bëri të qartë se kjo është diçka për të cilën “thjesht nuk i intereson dhe nuk negocion”.
"Shanset janë zero për qind," tha Jennifer Garner për MTV . Ai vazhdoi duke thënë: “Jo faleminderit. Unë mendoj se bota meriton më shumë, s’jam e interesuar".
Rebel Wilson
Aktorja foli kohët e fundit për përvojën e saj me Sacha Baron Cohen në "The Brother Grimsby". Siç ka përmendur ajo, asnjëherë nuk ndihej rehat kur ishte e zhveshur para kamerës dhe atëherë, bashkë-ylli i saj e kishte shtyrë mjaftueshëm për të xhiruar një skenë të tillë.
Ajo e bëri të qartë se nuk do ta bënte dhe vendosi si klauzolë në kontratën e saj që të mos dilte e zhveshur para kamerës. Kështu produksioni punësoi një aktore tjetër për ta zëvendësuar në ato skena.
“Ata donin lakuriqësi të plotë ballore. Ndërsa ne kishim shkruar në kontratë ‘jo nudo’. Si rezultat, produksioni punësoi një vajzë tjetër për ato skena, një kërcimtare burleske nga Afrika e Jugut. Dhe e detyruan t'i bënte të gjitha këto gjëra”, tregoi ajo.
Blake Lively
Blake Lively ka qenë shumë e qartë se pse nuk dëshiron të shfaqet e zhveshur në kamera.
"Kur shoh lakuriqësi në filma, është gjithmonë shpërqendruese. Pra, thjesht nuk mendoj se do të jetë e duhura për mua”, tha ajo për Daily Mail kohë më parë.
Sondazh
Lexo gjithashtu
Amerikani pioner i hip hopit në Itali, ndërron jetë në moshën 55 vjeç Dre Love
Është apo jo në lidhje me Loredanën? Joz Marku zbulon të vërtetën
Austria fiton Eurovisionin, Shkodra Elektronike me "Zjerm" zë vendin e tetë
Gjesti nuk e fsheh ndjenjën, tregon pse nuk është pranë Eglit
