Heidi Baçi ka ndarë një postim emocionues me ndjekësit në natën e ndërrimit të viteve. Teksa ka prekur direkt dhe indirekt ndodhitë e mira dhe ato jo të mira që kaloi përgjatë 2024, Heidi zgjedh të jetë falenderuese për çdo emocion që ka përjetuar.
Gjithashtu ajo i është drejtuar me fjalë të ngrohta dhe plot dashuri mbështetësve të saj që i kanë qëndruar “besnikë” edhe në ditët më të vështira.
“Ky eshte fundi i nje viti magjik per mua, guxoj te them absurd, nje vit sa i mrekullueshem aq edhe i veshtire. Kam perjetuar emocione ekstreme, te verteta, kam perzier momente trishtimi te thelle dhe gezimi te paster, por ne fund mesova se eshte pikerisht kjo bukuria e jetes.
Jam rritur shume, e kam kuptuar qe e rendesishme eshte te japesh maksimumin, gjithmone, sepse duhet te luftosh per gjerat ne te cilat besojme dhe duam, madje te shkojme ne piken te humbasim gjithcka, dhe me pas ti marrim te gjitha dhe te ngrihemi perseri, nga fillimi. Por nuk do ta kisha bere kurre pa ju, jo me kete fuqi… dashuria juaj per mua ka qene thelbesore, motivuese. Nuk di nese do gjej menyre ndonjehere tju them mjaftueshem faleminderit me vepra, por sot dua ta bej me fjale.
Faleminderit qe me kuptuat kaq thelle, edhe me shqipen time jo perfekte, edhe kur nuk fola…faleminderit qe me vleresuat, faleminderit per dashurine e pakushtezuar, faleminderit për mbeshtetjen, faleminderit per cdo mendim dhe dhurate, e vleresoj dhe e kam ndjere gjithe energjine tuaj pozitive.
Faleminderit per cdo perqafim dhe sy te qeshur qe kam ndeshur rruges, me keni ngrohur shpirtin. Faleminderit qe ma keni bere familjar nje qytet per mua te huaj. Me ju jam ndjere si ne shtepi. Gezuar! ju dua shume”, ka shkruar Heidi.
