
Këngëtari dhe kompozitori Armend Rexhepagiqi ka dhënë një intervistë, ku ka folur për muzikën, artin, por dhe jetën private.
Mirëpo intervista e tij ka bërë bujë, pasi ai është shprehur se nuk ka pasur kurrë dëshirë që të kishte një fëmijë.
Ai është shprehur se së bashku me partneren kanë pasur dokordësi për të mos pasur fëmijë, teksa tha se të gjithë kanë të drejtë të zgjedhin.
Biseda në studio e “Canape” në T7:
PYETJA-E ke pasur instiktin e të qenurit baba?
Armend Rexhepagiqi: Jo, kurrë nuk kam pasur dëshirë që të kem fëmijë.
PYETJA-Pse Armend?
Armend Rexhepagiqi: Sepse nuk e kam pasur dhe nëse filloj ta shtjelloj, më duket se filloj të arsyetoj dhe justifikohem prandaj mendoj thjesht që mjafton vetëm që nuk ka ekzistuar dëshira as nga ana ime, as nga ana e bashkëshortes që të kemi fëmijë dhe ndoshta në shoqërinë tonë kjo është temë tabu, jam i sigurt për këtë, por ka qenë vendimi ynë i dyanshëm të cilin e kemi ndier dhe e kemi respektuar vendimin që kemi pasur.
Sot nuk jam bërë pishman, jo sepse dua të pohoj që kam bërë, përkundrazi, kënaqem me fëmijët e tjerë, i dua shumë, kam njerëz në familje të cilët i kam shumë të afërt me të cilët kam fëmijë të vegjël ose krijoj raporte mirë, por me veten nuk e kam ndier shumë dhe unë mendoj që kjo është një e drejtë e njerëzve që të ndiejnë dhe mendoj se kjo është e rëndësishme edhe te femrat se në njëfarë mënyre automatike kuptohet që çdo femër duhet të ketë instikt amënor dhe ndoshta edhe mashkulli atë të babait, nuk është kështu. Unë të paktën e njoh veten, e kam ndier këtë dhe nuk jam handikap, nuk kam nevojë të justifikohem dhe në shoqërinë tonë nuk kam folur, i kam lënë njerëzit të kuptojnë çfarë të duan sepse nuk më ka lënduar fakti që nuk kam fëmijë.