Më në fund një "date" për Eglin dhe Gjestin, pasi ky i fundit i kishte kërkuar Vëllait të Madh për t'i mundësuar një takim mes tyre.
Darka në suitën brenda shtëpisë së "Big Brother VIP", shërbeu që dyshja të sqaronin marrëdhënien e tyre, teksa nuk munguan as deklaratat nga të dy.
Teksa kujtonin momente nga raporti i tyre, Egli ka mbajtur një qëndrim më të ftohtë, duke i përsëritur se nuk e ka marrë malli. Madje në një moment, ajo i thotë banorit se ka për t'i rënë pishmanit për të gjitha sjelljet e tij ndaj saj. Megjithatë, Gjesti u përgjigj duke pohuar se i ka rënë pishmanit, prandaj i ka kërkuar edhe falje.
Pjesë nga biseda:
Egli: E di sa do i biesh pishmanit ti?
Gjesti: I kam rënë përderisa po të kërkoj falje. A të ka marrë malli për mua?
Egli: Unë të them mos më fol kështu ti vazhdon.
Gjesti: Unë po shprehem moj për marrëdhënien që kemi pasur. Nuk po të them hajde flejmë.
Egli: Të thash nuk më ka marrë malli.
Gjesti: Gënjen se ta shikoj në sy. Po të pyes si njeri. Thuaj po dhe jemi në rregull. Mua më ka marrë malli.
Egli: Mua jo.
