Elton Ilirjani ka reaguar së fundmi në lidhje me disktuimet e shumta në rrjet mbi akuzat e ngritura nga familja Simaku kundër aktorit Herion Mustafaraj.
Në një postim në Insta Story, Ilirjani thotë se mbesa, Ina, nipi Ani dhe i vëlli, jane njerëzit më të afërt të Parashqevisë dhe më të rëndësishmit për të.
Kujtojmë që ditët e fundit ka qenë Ina Simaku, mbesa e Parashqevisë, e cila tha se do të merrnin masa ligjore kundër Herion Mustafaraj pasi ky i fundit ka cënuar rëndë privatësinë e Parashqevisë si dhe ka destabilizuar shëndetin e saj mendor duke i thënë gënjeshtra.
Elton Ilirjani gjithashtu thotë se takimi i shumëpritur mes Parashqevisë dhe djalit të saj, Luke, do të ndodhë brenda këtyre ditëve së bashku me ish-bashkëshortin Robert Nolfe.
“Fakti që familjarët e Parashqevi Simakut janë njerëzit më të afërt të saj, nuk ka pse të diksutohet nga askush, nuk ka pse të vihet në diskutim nga asnjëri prej nesh, sepse të gjithë e dimë sa e rëndësishme është familja për shqiptarët, për çdo shqiptar; për mua, për ju që më dëgjoni tani dhe aq më tepër për Parashqevi Simakun, që familja është gjëja më e rëndësishme, pavarësisht se ç’mund të ketë biseduar në të shkuarën e largët ose në një moment delikat, siç mund të bëjmë të gjithë.
Unë jam i bindur dhe çfarë kam dëgjuar dhe çfarë kam parë me sytë e mi këto ditë. Parashqevi Simaku ka një dashuri të madhe për familjen e saj, për vëllanë e saj, mbesën e saj Inën dhe nipin e saj, Ani Simaku. Kuptohet, dashuria më e madhe e saj është është Luke, që ajo do takohet së shpejti, brenda tri ditësh besoj dhe kuptohet, edhe ish-bashkëshorti i saj, Robert”, tha Elton Ilirjani.
Ina Simaku lëshoi deklarata të rëanda kundër aktorit Herion Mustafaraj duke thënë se ai punon në hotelin ku po qëndron Parashqevia dhe ka përdorur kartën e hotelit për të hyrë në dhomën e saj pa leje. Ndër të tjera ajo ka thënë se ai ka kërcënuar Ani Simakun si dhe i ka thënë gënjeshtra Parashqevisë duke e bërë të besojë atë se ai do t’i sjelli djalin Luke, të cilin Parashqevia ka 15 vite që e pret për ta takuar.
