Aktori i njohur i Netflix, Jose de la Torre, është ndarë nga jeta në moshën 37-vjeçare, disa muaj pasi kishte zbuluar për fansat se po përballej me një sëmundje të rëndë.
Jose, i cili luajti rolin e Ivan në serialin spanjoll Toy Boy, u bë i njohur për interpretimin e tij si një striptist i akuzuar padrejtësisht për vrasje. Ai gjithashtu kishte një karrierë të suksesshme si model, duke punuar për marka mode dhe bizhuterish.
Lajmet raportojnë se ai ndërroi jetë më 5 dhjetor, ndërsa ceremonia mortore u zhvillua ditën pasuese. Aktori ishte diagnostikuar me një sëmundje të paspecifikuar që nga muaji korrik dhe prej asaj kohe nuk ishte parë më në publik.
Kolegia e tij, aktorja Luisa Martín, e kujtoi me mall: "Zemra më thyhet kur mendoj se nuk do të dëgjoj më zërin tënd, por do të flas me ty përgjithmonë. Të dua shumë, José."
De la Torre ishte një fytyrë e njohur në disa seriale spanjolle, përfshirë Amar es para siempre (Të dashurosh përgjithmonë), Vis a Vis: El Oasis dhe Servir y proteger.
Në postimin e tij të fundit në rrjetet sociale, të bërë në qershor, aktori shihej duke shijuar një festival muzikor në Ishujt Kanarie, ku shprehu falënderime për fansat dhe ndau urime për ta.
Aktorja dhe këngëtarja spanjolle Lolita Flores gjithashtu bëri homazhe për José, duke shkruar: "Është kaq e vështirë ta pranoj që ke ikur. Edhe pse të takova vetëm për pak orë, ishte e qartë që ishe i mrekullueshëm brenda dhe jashtë."
Detaje mbi sëmundjen që i mori jetën nuk janë bërë publike, por Daily Mail shkruan se aktori jetonte një jetë plot energji, si në karrierë ashtu edhe në jetën private.
Sondazh
Lexo gjithashtu
Ky është banori që largohet sonte nga Big Brother VIP
Drilon Rama fik dritat e Big Brother Kosova, shpallet fitues i edicionit të 3-të
