Pallati i Kongreseve është duke pritur siç është bërë traditë edicionin e radhës të "Këngës Magjike". Sonte është nata e dytë gjysmëfinale e këtij kompeticioni të bukur të muzikës, ndërsa dje ka qenë nata e parë ku kanë spikatur shumë artistë të rinj.
Luna Çausholli ishte vajza që u ngjit në skenë me kitarë dhe menjëherë sapo preku telat e saj, zgjoi kureshtjen e publikut në sallën gjigande.
"Lule Margarita" është kënga që ajo këndoi mbrëmjen e djeshme, duke rrëmbyer menjëherë zemrat e publikut. Teksti i bukur i shkruar nga Rozana Radi dhe kompozimi i mrekullueshëm i Keidi Bahitit, shoqëruar nga zëri brilant i Lunës, ishin të parezistueshme edhe për jurinë.
View this post on Instagram
Ata u ngritën menjëherë në këmbë sapo dëgjuan këngën dhe e shoqëruan artisten e re me duartrokitje që vazhduan pa u ndalur deri në fund.
Kishte edhe nga ana që nuk i rezistuan dot tundimit për të vallëzuar nën tingujt e kitarës dhe zërit brilant të Lunës, e cila erdhi në skenë me freskinë e një artisteje të re ama me edukatë të lartë skenike. Kënga dhe performanca e saj e admirueshme rrëmbyen 5 vota jeshile dhe artistja e re kaloi menjëherë në fazën tjetër.
Luna Çausholli ka disa vite që merr pjesë ne kompeticione te ndryshme artistike, ku spikat me stilin e saj të veçantë, por këtë vit mund ta quajmë vitin e Lunës sepse është e vetmja artiste me pjesëmarrje ne tre festivalet më të rëndësishme shqiptare, Festivali i Këngës ne Kosovë, Kënga Magjike dhe Festivali i 63 i Këngës ne RTSh.
Sondazh
Lexo gjithashtu
VIDEO/ Nuk e kishim parë! Ndodh në Big Brother Vip, Egli puth në buzë Bernardin
Xheneta apo Egli? Ish banorja e Big Brother “bën” zgjedhjen për Gjestin
PLAS KEQ në Big Brother Vip, G Bani tenton të godasë me grusht Gjestin
