Për moderatoren Bora Zemanin, sot është një ditë shumë e rëndësishme dhe e veçantë. Djali i saj, Arbori feston ditëlindjen dhe moderatorja nuk mund të mos i dedikonte disa fjalë të ëmbla.
“10 vite dashuri e pastër” shkruan Bora krah një albumi fotografishë ndër vite ndërsa shprehet se ka qenë djali i saj ai i cili i mësoi dashurinë e pakushtëzuar dhe i dha forcën që as vetë nuk e dinte se e kishte.
“10 vite dashuri e pastër...
Fiks një dekadë më parë, erdhe në jetën time dhe gjithçka ndryshoi. U bëre drita që ndriçon çdo ditë, arsyeja pse buzëqesh edhe në momentet më të vështira.
Ti më mësove kaq shumë për jetën, për dashurinë e pakushtëzuar dhe për forcen që as vetë nuk e dija se e kisha.
Ne u rritëm bashkë… Çdo hap i yti ishte një hap edhe për mua, çdo fjalë e jote një mësim për mua, çdo përqafim një dhuratë që nuk ka çmim.
Më ndihmove të bëhem njeriu që jam sot dhe nuk ka lumturi më të madhe sesa të të shoh ty që bëhesh një fëmijë i mençur dhe me një zemër që mbushet veç me mirësi. Ti je mishërimi i dashurisë së pakushtëzuar, motivi im për të qenë më e mirë dhe forca ime në çdo ditë. Faleminderit që më bën krenare me çdo gjë që JE e mbi të gjitha për zemrën që të shkëlqen.
Tani, mendo dëshirën dhe për herë të parë, fryji dy qirinjtë në tortën tënde, 1 0!
Të dua deri në pafundësi, Arbor! Ti je arsyeja pse besoj në çdo mrekulli."
Sondazh
Lexo gjithashtu
Drilon Rama fik dritat e Big Brother Kosova, shpallet fitues i edicionit të 3-të
