Janë gjetur ditën e sotme trupat e dy vullnetarëve britanikë të vrarë në Ukrainën Lindore, si pjesë e një shkëmbimi i të burgosurve më Rusinë.
Shefi i shtabit të Presidentit Volodymyr Zelensky tha se trupat e Chris Parry, 28 vjeç dhe Andrew Bagshaw, 47 vjeç, tani ishin kthyer në Ukrainë.
Ndërkohë, deri tani nuk është dhënë asnjë indikacion se kur do t’i doëzohen personelit të ambasadës britanike per t’u dërguar në shtëpitë e tyre. Dy vullnetarët, u panë për herë të fundit duke shkuar në qytetin Soledar me 6 janar dhe që prej asaj dite nuk u bënë më të gjallë. Familja e zotit Bagshaë, tha se dyshja po përpiqeshin të ndihmonin një grua të moshuar kur makinat e tyre u goditën nga një predhë.
Soledar kishte qenë fokusi i luftimeve intensive dhe muajin e kaluar ushtria ruse pretendoi se kishte pushtuar qytetin ukrainas të minierës së kripës pas një beteje të gjatë. Qeveria në Kiev e kundërshtoi pretendimin.
Pavarësisht luftimeve të vazhdueshme në Ukrainë, Andriy Yermak, shefi i shtabit të Ukrainës, tha se 116 ushtarë ukrainas ishin liruar të shtunën.