Një grup prej pesë të rinjsh nga Bajza kanë mbetur të bllokuar në pikën turistike në Razmë, Malësi e Madhe. Bëhet me dije se njëri prej djemve ka shfaqur probleme shëndetësore, ndërsa mjetet e tyre ndodhen larg.
Mësohet se forcat e Ndërhyrjes së Shpejtë Shkodër dhe shërbimet e komisariatit të Policisë Malesisë së Madhe, si dhe një infermier janë nisur drejt vendngjarjes për t’iu ardhur në ndihmë të rinjve.
“Nga komunikimi me vendin ku ndodhet i sëmuri rezulton se gjendja e tij është në përmirësim. Me grupet e gatshme të forcave të ndërhyrjes së shpejtë është dërguar edhe një infermier për t’i dhënë ndihmën e shpejtë në rast nevoje”, sqaron Policia.