Hapësire reklamuese

Bota

Shkoi për të punuar në ndërtim, shqiptari kapet në "shtëpi bari" dhe dënohet me burg (EMRI)

Shkruar nga Newsbomb
Shkoi për të punuar në ndërtim, shqiptari kapet në

Një 22-vjeçar shqiptar, Hajri Metollari është dënuar me tetë muaj burg në Angli pasi u kap në një fermë kanabisi. I riu u arrestua më 15 maj në Staffordshire pasi u kap në flagrancë duke ujitur bimët narkotike, shkruajnë mediet.

Sipas autoriteteve angleze, Metollari kishte ardhur në Mbretërinë e Bashkuar më 30 korrik të 2018, në kabinën e një kamioni. 22-vjeçari punoi fillimisht në ndërtim dhe me ato para shlyeu një pjesë të kostos për rrugën në Angli.

Megjithatë puna në ndërtim nuk ishte e mjaftueshmë dhe ai u detyrua të punojë në shtëpinë e kanabisit në pronësi të bandës së trafikantëve, ne mënyrë që të shlyejë detyrimet me punë.

Policia gjeti në shtëpinë e Metollarit 406 bimë kanabisi, ai u arrestua dhe u dërgua në burgun e Burslem, ku sot mori dënimin e tij prej tetë muajsh nga gjykata. Avokati i tij tha se i riu shqiptar po bën plane për t’u rikthyer në Shqipëri pas përfundimit të dënimit.

Sondazh

Poll

Lexo gjithashtu

Hapësire reklamuese