Një ngjarje e rëndë ka ndodhur në Korçë mbrëmjen e kësaj të premte ku një person është plagosur pasi suvaja e një pallati i ra mbi kokë.
Autoritetet njoftojnë se ngjarja ka ndodhur në Pedonalen e Korçës këtë mbrëmje ku nga fasada e një pallati është shkëputur një pjesë suvaje dhe ka rënë mbi tendën e një lokali. Për pasojë është dëmtuar në shpatull shtetasi 35-vjeçar me inicialet L.T i cili është dërguar për ndihmë në spitalin e Korçës.
Grupi hetimor ka mbërritur në vendin e ngjarjes dhe po punon për zbardhjen e rrethanave të ngjarjes.
Njoftimi i policisë:
Korçë/Informacion paraprak
Mbrëmjen e sotme, në Pedonalen e qytetit të Korçës, është shkëputur një pjesë suvaje, nga fasada e një pallati dhe ka rënë mbi tendën e një lokali. Për pasojë është lënduar lehtë në shpatull shtetasi L. T., 35 vjeç, banues në Korçë, i cili u dërgua për ndihmë mjekësore në spitalin e Korçës.
Grupi hetimor po punon për sqarimin e rrethanave të ngjarjes.
Sondazh
Lexo gjithashtu
