Policia në Finlandë ka goditur një rrjet të trafikimit të drogës. Mediet e huaja raportojnë se droga transportohej nga Shqipëria në Spanjë dhe pastaj përmes postës përfundonte në destinacion, Finlandë.
Sipas autoriteteve gjatë periudhës janar-shkurt, grupi kishte dërguar me postë rreth 70 kilogramë marihuanë në Finlandë, e cila ka pte vlerën e 700 mijë eurove.
Policia bëri me dije se deri më tani ka sekuestruar rreth 13 kilogramë lëndë narkotike, kontrabandë. Hetuesit thanë se një shtetas shqiptar i mori pakot me marihuanë nga posta, duke përdorur një identitet të rremë.