Ministrja e Shtetit për Marrëdhëniet me Parlamentin, Elisa Spiropali ka paralajmëruar se largimit të drejtorëve të ARRSH Afrim Qendro dhe Klodian Gradeci i OST-së priten të tjera ndryshime.
E ftuar në studion e lajmeve të Ora News, me gazetaren Beti Njuma, Spiropali tha se këto ndryshime janë mëse normale kur ndryshohen ministrat dhe nuk kanë lidhje me skandalin “DH Albania”.
“Ndryshimet janë krejt normale në një proces reformimi të qeverisë. Jemi 7 ministra të rinj dhe padyshim do të kemi drejtorë në sektorë të caktuar. Ne besojmë se është bërë shumë punë, por mund të shfrytëzojmë edhe potenciale të tjera. Ndryshimet janë në vazhdën e ndryshimeve që kanë ndodhur dhe besoj do të ndodhin, do të dëgjoni raste të tjera. Puna e atyre që kanë qenë nuk mund të mohohet. Me ndryshimin e ministrave ka lindur nevoja edhe për pjesën tjetër të administratës”, deklaroi Spiropali.
LEXO EDHE:
RAMA S’NDALET ME NDRYSHIMET/ KUSH JANË DREJTORËT ‘BIG’ QË PËRFLITET SE DO LËVIZIN (EMRAT)
‘FURTUNË’ NË INSTITUCIONET E MËDHA, KUSH JANË KATËR DREJTORËT E TJERË QË PRITET TË IKIN