Tetë drejtorë burgjesh u shkarkuan një ditë më parë nga ministrja e drejtësisë, dhe do të çohen për ndjekje penale.
Drejtori i përgjithshëm i burgjeve, Arben Çuko, ka komanduar në krye të këtyre institucioneve drejtorët e rinj të cilët do të qëndrojnë në këto poste deri në emërimin e drejtorëve që do të përzgjidhem me anë të konkursit.
Ministrja e Drejtësisë, Etilda Gjonaj, tha dje se të gjithë drejtorët e shkarkuar do të kallëzohen për shpërdorim detyre dhe korrupsion, ndërkohë që dy ish-drejtues burgu rezultojnë me precedentë penalë.
Një nga shkeljet e evidentuara për ish-drejtuesit e burgjeve, ishte futja e celularëve, njeëelement ky që tregonte se nuk ishin respektuar parametrat e sigurisë në burgje.
Drejtorët e komanduar:
Drejtori i Burgut Peqin: Arjan Hasanaj
Drejtori i Burgut Rrogozhinë: Syrja Malasi
Drejtori i Burgut Lushnje: Zoj Rrushaj
Drejtori i Burgut Berat: Ermal Mile
Drejtori i Burgut Tepelenë: Etem Llapi
Drejtori i Burgut Vlorë: Aleksandër Rreza
Drejtore e Burgut të Grave: Jetmira Sula
Drejtori i Burgut Fushë Krujë: Agron Hysi
Drejtori i Burgut Drenovë: Petrit Kocia