Hapësire reklamuese

Aktualitet

Shisnin drogë në Tiranë, 4 të arrestuar dhe 2 të proceduar

Shkruar nga Newsbomb
Shisnin drogë në Tiranë, 4 të arrestuar dhe 2 të

Katër të rinj janë arrestuar dhe dy të tjerë janë proceduar, pasi akuzohen se shisnin lëndë narkotike në afërsi të një shkolle në rrugën “Ismail Qemali” dhe në zonën e “Don Bosko” në Tiranë.

Uniformat blu bëjnë me dije se në pranga kanë rënë shtetasit: E. K., 21 vjeç, S. Sh 23 vjeç, të cilët mbulonin zonën në rrugën “Ismaili Qemali”, dhe shtetasit O. Sh., 30 vjeç, dhe M. H., 27, të cilit shisnin lëndë narkotike në zonën e Don Bosko.

Gjithashtu u proceduan penalisht shtetasit H. P., 21 vjeç, dhe R. D., 20 vjeç, të gjithë banues në Tiranë.

Në kuadër të operacionit të koduar “Tempullui2” policia sekuestroi doza me lënde narkotike kanabis, gati për shitje, shuma parash të përfituara nga ky aktivitet i paligjshëm, dhe dy grirëse për lëndën narkotike.

Njoftimim policisë

Tiranë/Vijon megaoperacioni policor i koduar “Tempulli 2”. Goditen nga Komisariati i Policisë Nr. 1, dhe Komisariati i Policisë Nr. 3, dy raste të shitjes së lëndëve narkotike, në doza.

Vihen në pranga 4 shtetas, dhe procedohen penalisht 2 të tjerë, që ushtronin këtë veprimtari kriminale.

Sekuestrohen doza me lënde narkotike kanabis, gati për shitje, shuma parash të përfituara nga ky aktivitet i paligjshëm, dhe dy grirëse për lëndën narkotike.

Shërbimet e Komisariatit të Policisë Nr. 1, dhe shërbimet e Komisariatit të Policisë Nr.3, në vijim të veprimeve intensive operacionale të kryera në kuadër të megaoperacionit policor mbarëkombëtar, antidrogë, të koduar “Tempulli 2”, pasi kanë siguruar informacione se disa shtetas shisnin lëndë narkotike kanabis, në doza, në afërsi të një shkolle në rrugën "Ismail Qemali", dhe në zonën "Don Bosko", kanë organizuar punën për kapjen dhe vënien e tyre përpara përgjegjësisë penale.

Si rezultat i kontrolleve të ushtruara:

▪️Shërbimet e Komisariatit të Policisë Nr. 1, në afërsi të një shkolle në rrugën "Ismail Qemali", kapën dhe arrestuan në flagrancë shtetasit E. K., 21 vjeç, dhe S. Sh., 23 vjeç. Gjithashtu proceduan penalisht shtetasit H. P., 21 vjeç, dhe R. D., 20 vjeç, të gjithë banues në Tiranë.

Nga verifikimet e kryera ka rezultuar se këta shtetas e siguronin lëndën narkotike në sasi dhe më pas e ndanin në doza, të cilat i shisnin në afërsi të një shkolle, në rrugën "Ismail Qemali".

▪️Shërbimet e Komisariatit të Policisë Nr. 3, në "Don Bosko", kapën dhe arrestuan në flagrancë shtetasit O. Sh., 30 vjeç, dhe M. H., 27 vjeç, të dy banues në Tiranë.

Nga verifikimet e kryera ka rezultuar se këta dy shtetas, e siguronin lëndën narkotike në sasi dhe më pas e ndanin në doza, të cilat i shisnin në zonën "Don Bosko".

Në cilësinë e provës materiale u sekuestruan doza me lënde narkotike kanabis, gati për shitje, shuma parash të përfituara nga ky aktivitet i paligjshëm, dhe dy grirëse për lëndën narkotike.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

Sondazh

Poll

Lexo gjithashtu

Hapësire reklamuese