Shikon policët dhe hedh dozat e drogës përtokë, prangoset shpërndarësi 22 vjeçar në Fier.
Specialistët Kundër Narkotikëve në Drejtorinë Vendore të Policisë Fier, bënë ndalimin e shtetasit:- Marjo Sinaj, 22 vjeç, banues në lagjen “Naftëtari”, Patos.
Sipas policisë, ndalimi i këtij shtetasi u bë pasi në lagjen “Naftëtari”, Patos, gjatë ndjekjes nga punonjësit e policisë, ka hedhur në tokë katër qese plastike ku brënda kishte lëndë të dyshuar narkotike të llojit Cannabis Sativa e cila u sekuestrua në cilësinë e provës materiale.
“Materialet i kaluan Prokurorisë pranë Gjykatës shkallës parë Fier për veprat penale “Prodhimi dhe shitja e narkotikëve” dhe “Nxitja për përdorimin e drogës” parashikuar nga Neni 283/1 dhe 286/1 i Kodit Penal”, thuhet në njoftimin e policisë.