Një sherr me fqinjin rreth dy vite më parë, është bërë shkak që ndaj nënkomisarit të Durrësit Arben Pjeçi të nisë një proces gjyqësor që ka përfunduar në ditët e para të 2024-ës. Ndaj tij është ngritur akuza për "Plagosje të lehtë" dhe nënkomisari është shpallur fajtor.
Vendimi i formës së prerë i Gjykatës së Durrësit ka filluar të ekzekutohet nga strukturat përgjegjëse të Shërbimit të Provës dhe Policisë së Shtetit.
Arben Pjeçi në kushtet e depresionit për penalitetet që sjell vendimi i dënimit të formës së prerë, i cili e kushtëzonte në të ardhmen me ndërprerjen e marrëdhënies së punës me Policinë e Shtetit, është vetëvrarë me armën e shërbimit në ambientet e zyrës së punës, në Komisariatin e Policisë Durrës.
Në vitin 2022, Arben Pjeçi është konfliktuar me fqinjin e tij në Durrës dhe të dy janë qëlluar me grushte.
Rasti ka përfunduar në polici e më pas në gjykatë, e cila në përfundim të të gjithë procesit ka shpallur fajtor nënkomisarin e Durrësit. Në bazë të nenit 89 të Kodit Penal, Arben Pjeçi është dënuar me vendim të formës së prerë për kundërvajtjen penale “Plagosje e lehtë”.
[caption id="attachment_779911" align="alignnone" width="877"]
Nenkomisari i vetevrare ne Durres, Arben Pjeçi[/caption]
Ky konflikt me fqinjin dhe pasojat që kanë rrjedhur prej tij, janë bërë shkak që sot specialist i Policisë Kriminale në Komisariatin e Durrësit të mbyllet në zyrën e tij dhe të vriste veten me armën e shërbimit. Sot, këtij shtetasi i është komunikuar dhe ndërprerja e marrëdhënieve të punës.
Mbetet për t'u konfirmuar nga grupi hetimor sesi ka ndodhur vetëvrasja, pasi kolegët nuk kanë dëgjuar zhurma dhe e kanë konstatuar trupin e pajetë të Pjeçit vetëm kur kanë hapur me forcë zyrën e tij.
Newsbomb.al mëson se Arben Pjeçi ka shërbyer për shumë vite në Policinë Kufitare dhe vitet e fundit ishte emëruar si specialist në Policinë Kriminale, Komisariati i Policisë Durrës, dhe mbante gradën "Nënkomisar".
Lexo edhe: Familja kishte humbur kontaktet, kolegët gjejnë nënkomisarin të vetëvrarë në zyrë
Sondazh
Lexo gjithashtu
