Deputeti i Partisë Socialiste, Alket Hyseni ka patur një përplasje live në televizion me kreun e PDIU-së, Shpëtim Idrizin ku kanë akuzuar rëndë njëri-tjetrin.
Të ftuar në studio paralele në emisionin ‘Open’ të Eni Vasilit, kreu i PDIU-së e ka kërcënuar deputetin Hyseni duke i thënë se do tia nxjerri emailet e Ramës në lidhje me të. Ai i tha Hysenit se kur ka qenë drejtor dogane e ka pushuar nga puna në doganën e Kakavijës deputetin.
Nga ana tjetër deputeti Hyseni iu kthye Idrizit duke i thënë se gjatë karrierës së tij kishte bërë shumë ecejake politike dhe mbetej i poshtëruar.
Debati:
Idrizi: Të kam pushuar nga puna në doganën e Kakavijës po mos e kthe në personale, të kam futur unë te Partia Socialiste Alket. Do të t’i nxjerrë emailet e Ramës për ty pasi të dalim nga emisioni.
Alket Hyseni : Mbetesh i poshtëruar, mbaje kanaçen Shpëtim, në historinë tënde ke shumë ecejake dhe mbetesh i humbur që të kuptosh që nuk je në kahun e duhur të historisë.