Një person ka mbetur i plagosur në Elbasan, si pasojë e një sherri që ka degjeneruar në përdorimin e armëve të ftohta. Mësohet se Albert Berati ka marrë plagë në trup dhe është dërguar për ndihmë në spital.
Shërbimet e Policisë kanë shkuar menjëherë në vendngjarje pas sherrit dhe kanë arrestuar dhe autorin e dyshuar. Shtetasi Fadil Sinani akuzohet se ka qëlluar me thikë Beratin pas një konflikti që fillimisht ka qenë verbal.
Në vendin e ngjarjen, lagja “5 Maji” e qytetit të Elbasanit, është sekuestruar dhe thika e përdorur. Shkaqet dhe rrethanat e sherrit nuk dihen ende, ndaj grupi hetimor ka nisur punën për zbardhjen e dokumentimin e plotë.