Hapësire reklamuese

Bota

Shembet një tjetër urë në Itali, autoritetet japin alarmin për gjendjen e veprave publike në vend

Shkruar nga Newsbomb
Shembet një tjetër urë në Itali, autoritetet japin alarmin

Një urë e lëvizshme në La Spezia, Itali është shembur duke bërë që autoritetet në vendin fqinj të vihen në alarm për gjendjen në të cilën ndodhen veprat publike infrastrukturore.

Sipas mediave italiane, ura e lëvizshme “Pagliarit” doli nga mbajtëset e saj, duke përthyer fiksueset metalike që e siguronin atë në rrugën në San Bartolomeo. Siç shihet nga foto, ura është anuar në njërin krah. Forcat e Policisë dhe zjarrfikësit lokalë janë në vendngjarje, ndërsa nuk raportohet për të lënduar.

Ura e lëvizshme u përurua në vitin 2010. 21 metra e gjatë, ajo ka një antenë të lartë 14 metra, që ngjason me formën e direkut të një varke me vela. 12 metra e gjerë, ajo ka dy karrexhat 3.75 metra dhe dy korsi anësore për këmbësorët dhe një korsi biçikletash prej 1.60 metra. Hapja bëhet për rreth 2 minuta dhe lejohet nga një sistem hidraulik.

“Për fat të mirë nuk ka të lënduar. Nga ky mëngjes jam në kontakt me kryetarin e bashkisë së La Spezia Peracchini, me këshilltarin rajonal për mbrojtjen civile Giampedrone i cili është në qytet për informacion të mëtejshëm dhe me presidentin e portit Sommariva”, ka thënë Presidenti i Rajonit të Ligurisë Giovanni Toti.

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.