Tirana
clear sky
21.5 ° C
21.5 °
21.5 °
68 %
2.1kmh
0 %
Pre
39 °
Sht
39 °
Die
40 °
Hën
39 °
Mar
37 °
E premte, 30 Korrik, 2021

SHBA përshendet armëpushimin mes Izraelit dhe Hamasit, Biden: Meritoni të jetoni të sigurt

spot_img
spot_img

Lajme të ngjashëm

Presidenti Joe Biden përshëndet armëpushimin që pritet t’i jap fund luftimeve midis Izraelit dhe Hamasit, duke thënë se ai sheh një “mundësi të mirëfilltë” drejt qëllimit më të madh për ndërtimin e një paqeje të qëndrueshme në Lindjen e Mesme.

“Unë besoj se palestinezët dhe izraelitët meritojnë të jetojnë në mënyrë të sigurt dhe në siguri, të gëzojnë masë të barabartë të lirisë, begatisë dhe demokracisë”, tha Presidenti Biden. “Administrata ime do të vazhdojë diplomacinë tonë të qetë, të paepur drejt arritjes së këtij synimi.”

Biden e përshëndeti gjithashtu kontributin e qeverisë egjiptiane, e cila luajti një rol vendimtar në ndërmjetësimin e armëpushimit dhe tha se ai dhe ndihmësit e lartë të Shtëpisë së Bardhë ishin përfshirë intensivisht në një përpjekje “orë pas ore” për të ndalur gjakderdhjen.

Presidenti bëri një deklaratë për mediat në Shtëpinë e Bardhë, menjëherë pasi Izraeli dhe Hamasi njoftuan se armëpushimi do të hynte në fuqi në 2 orën të mëngjesit të së premtes, duke i dhënë fund një lufte 11-ditore që shkatërroi një pjesë të gjerë të Rripit të Gazës dhe ndali shumicën e aktiviteteve në pjesën më të madhe të Izraelit.

Luftimet shkaktuan të paktën 227 të vrarë në Gaza dhe 12 të tjerë në Izrael. Zyra e Kryeministrit Benjamin Netanyahu tha se Izraeli pranoi propozimin egjiptian pas një takimi natën vonë të kabinetit të tij të sigurisë. Hamasi, pak më vonë, bëri të njejtën gjë dhe tha se do të nderonte marrëveshjen.

Më shumë

spot_img
spot_img