Hapësire reklamuese

Aktualitet

Sezoni turistik, Policia zbarkon me biçikleta në bregdet (FOTO)

Shkruar nga Newsbomb
Sezoni turistik, Policia zbarkon me biçikleta në bregdet (FOTO)

Në kuadër të nismës “Siguria në plazhe”, punonjësit e Policisë, kanë nisur patrullimin në bregdet me biçikleta.  Kjo për t’iu ardhur në ndihmë në kohë reale pushuesve që mund të  kenë nevojë.

Njoftimi i plotë:

Siguria në plazhe Prej ditës së sotme, në të gjitha zonat bregdetare të vendit, në ndihmë të DVP-ve që kanë plazhe në juridikisionin e tyre, nga DVP-të e tjera kanë shkuar në ndihmë punonjës policie të Forcës së Posaçme “Shqiponja”, patrulla të përgjithshme, Policia Rrugore dhe Policia Kriminale.

Po nga sot, në këto zona bregdetare, ka nisur patrullimi me biçikleta nga punonjësit e Policisë, një mënyrë shumë efikase kjo, për t’iu gjendur pranë në kohë reale, pushuesve që mund të kenë nevojë, përsa i përket problematikave që trajtohen nga ana e Policisë. Pamjet nga plazhe në Durrës, ku Policia ka nisur patrullimin me biçikleta, sikundër edhe të gjtiha shërbimet e tjera të planizuara, janë në patrullim dhe në gatishmëri 24/7.

Policia e Shtetit garanton pushuesit se ka marrë të gjitha masat për një sezon veror sa më të qetë dhe fton cilindo pushues që për çdo problematikë që mund të hasë, të telefonojë në numrin pa pagesë 112 ose të dërgojë pamje filmike dhe mesazhe në Komisariatin Dixhital, duke iu garantuar reagim të menjëhershëm dhe profesional. Policia e Shtetit iu uron pushuesve, pushime të mbara!

Sondazh

Poll

Lexo gjithashtu