Patriarku Irinej, kreu i Kishës Ortodokse Serbe, ndërroi jetë ditën e sotme për shkak se ishte i infektuar me koronavirus.
Irinej njihej për ndikimin politik që kishte në Serbi dhe për deklaratat plot urrejtje kundër shqiptarëve.
Besimtarët sot i kanë dhënë lamtumirën e fundit, duke injoruar edhe masat anti-Covid.
Me qindra qytetarë qëndruan në radhë për t’u ndarë nga Patriarku. Disa i puthën dorën, ndërsa të tjerë përfituan nga fakti që një pjesë e arkivolit ishte e hapur për të prekur trupin e pajetë.
Shumica e besimtarëve nuk mbanin maska, ndërsa nuk ruajtën as distancën fizike.