Partia Demokratike ka reaguar pas lajmeve të publikuara në disa portale dhe akuzave të ish-kryeministrit Sali Berisha, i cili thotë se ekziston një plan për ndërtimin e disa kullave shumëkatëshe te selia blu.
PD thotë se kjo është gënjeshtëra e re e Berishës, për të larguar vëmendjen nga dhuna e 8 janarit.
Berisha dhe disa mbështetës të tij, akuzuan sot Bashën se planifikon “të ndërtojë kulla në tokën e selisë, duke pastruar paratë e pista”.
SQARIM PËR OPINIONIN PUBLIK NGA PARTIA DEMOKRATIKE E SHQIPËRISË
Për të hequr vëmendjen nga dhuna që Sali Berisha dhe banda e tij ushtruan me 8 janar, ai ka shpërndarë një gënjeshtër alla Sali gjate ditës së sotme. Kjo është vetëm një gënjeshtër e re, mashtrimi i rradhës i Sali Berishës.
Sqarojmë gjithë opinionin publik se selia e Partisë Demokratike është pronë publike. Ajo është shtëpia e demokratëve, nuk është bunkeri i Sali Berishës e aq më pak hapsira e pastrimit të parave të ortakëve të tij.
