Policia italiane ka goditur një grup që merrej me trafikim të lëndëve narkotike në Bolonia.
Bëhet me dije se autoritetet italiane kanë lëshuar 21 urdhër-arreste. Të arrestuarit janë shumica me shtetësi nga Republika Domenikane.
Mediat italiane raportojnë se mes të arrestuarve janë edhe 4 gra, mes tyre dhe një shqiptare. Grupi kriminel domenikan merrte kokainë nga vendi i origjinës. Drogë të cilën e fshihnin nëpërmjet lëkurave të viçit dhe e transportonin në Itali.
Policia ka sekuestruar 745 kg kokainë, e ndarë në pako të vogla rreth 500 gram secila. Nga kontrollet e kryera në vendet e banimit të të dyshuarve është lejuar sekuestrimi i disa makinave dhe shuma të mëdha parash. Vlera e kokainës së sekuestruar është 61 milionë euro në shitje me pakicë.