Hapësire reklamuese

Aktualitet

Sekuestrohen MILIONA euro pasuri të BIZNSMENIT TË NJOHUR që dëboi Italia, POLICIA jep detaje: 13 makina, 20 mijë m2 tokë dhe apartamente (E PLOTË)

Shkruar nga Newsbomb
Sekuestrohen MILIONA euro pasuri të BIZNSMENIT TË NJOHUR që

Sekuestrohen rreth 3 milion euro pasuri në pronësi të biznesmenit të njohur Gëzim Sallaku dhe dy bashkëpunëtorëve të tij.

Policia e Shtetit bën me dije se mijëra metra katror tokë në Durrës, apartamente dhe 13 makina të shoqërisë së tij janë sekuestruar pasi dyshohet se janë vendosur përmes aktivitetit kriminal.

Gëzim Sallaku është emër i njohur për mediat, pasi shteti italian e dëboi atë në shkurt të këtij viti për shkak të përfshirjes në trafik armësh dhe droge. Ai njihej si biznesmen dhe kishet në pronësi edhe një klub futbolli italian.

NJOFTIMI I PLOTË:

Vendoset sekuestro preventive mbi disa prona që kapin vlerën rreth 3 milionë euro, në pronësi të dy vëllezërve dhe të një shtetasi tjetër.

Në vijim të punës për identifikimin,  gjurmimin, gjetjen dhe sekuestrimin e pasurive që rrjedhin nga veprimtaria kriminale në fushën e pastrimit të parave, pas një pune të mirëfilltë hetimore dhe profesionale të kryer nga Njësia për Hetimin e Krimit Ekonomik e Financiar në Drejtorinë Hetimore në Departamentin e Policisë Kriminale, në bashkëpunim të ngushtë me Prokurorinë e Rrethit Gjyqësor Durrës, u bë i mundur finalizimi i hetimeve 3-vjeçare në ngarkim të dy vëllezërve dhe të një shtetasi tjetër, me të cilin dy vëllezërit kanë lidhje shoqërore.

Si rezultat i hetimeve të kryera dhe provave të grumbulluara, Gjykata e Rrethit Gjyqësor Durrës vendosi sekuestron preventive për pronat e shtetasve Gëzim Sallaku, S. S. dhe R. K., banues në Durrës, prona të dyshuara të përfituara nga veprimtaria kriminale e shtetasit Gëzim Sallaku, të cilat janë të regjistruara edhe në emër të shtetasve S. S. dhe R. K., konkretisht:

- Sekuestro 100% të aksioneve të shoqërisë “GSA Sallaku” sh.p.k, me aktivitet “Import, eksport, tregti autoveturash, kamionësh etj”, me seli në Durrës, me ortak të vetëm dhe administrator shtetasin Gëzim Sallaku;

- 2 apartamente, në Durrës, në emër të shtetasit Gëzim Sallaku;

- 20.600 m2 sipërfaqe toke arë, në Durrës, në emër të shtetasit Gëzim Sallaku;

- 1000 m2 sipërfaqe toke truall, mbi të cilën janë ndërtuar 2 banesa me sipërfaqe 140 m2 secila, në Durrës, në emër të shtetasit Gëzim Sallaku;

- Një godinë banimi dykatëshe dhe 2 apartamente banimi, në Durrës, në pronësi të shtetasit R. K.;

13 automjete të markave të ndryshme në pronësi të shoqërisë tregtare “GSA Sallaku”.   

Vazhdon puna nga Njësia e Hetimit të Krimit Ekonomik e Financiar, për identifikimin e pasurive të tjera të këtyre personave dhe lidhjeve të tyre familjare dhe shoqërore

Shtetasi Gëzim Sallaku ka kryer veprimtari kriminale dhe është dënuar në shtetin italian nga viti 1999 – 2008. 

Njësia për Hetimin e Krimit Ekonomik në Drejtorinë Hetimore në Departamentin e Policisë Kriminale, në bashkëpunim me Prokurorinë e Rrethit Gjyqësor Durrës, në vitin 2018, nisur nga disa transferta të dyshimta bankare të shtetasve të sipërpërmendur, ka filluar hetimin për veprën penale "Pastrimi i produkteve të veprës penale ose të veprimtarisë kriminale".

Materialet për ekzekutimin e Vendimit të Gjykatës iu dërguan Prokurorisë pranë Gjykatës së Shkallës së Parë Durrës.

LEXO EDHE:Person i padëshiruar dhe i rrezikshëm”, Italia dëbon biznesmenin e njohur shqiptar Gëzim Sallaku

Sondazh

Poll

Lexo gjithashtu

Sondazh

Poll