Hapësire reklamuese

Aktualitet

Sekuestrohen 22 kilogram kanabis në Shkodër, babë e bir përfundojnë në pranga (EMRAT)

Shkruar nga Newsbomb
Sekuestrohen 22 kilogram kanabis në Shkodër, babë e bir

Mark dhe Kolë Ndoja, përkatësisht babë e bir janë vënë në prangat e Policisë Shkodër gjatë një operacioni anti-kanabis.

Mësohet se forcat e policisë kanë zhvilluar kontrolle në Vaun e Dejës, ku kanë zbuluar bimë narkotike të llojit canabis sativa në proces tharjeje.

Në total janë rreth 22 kilogram kanabis të sekuestruara. Gjithashtu është shpallur në kërkim bashkëpunëtori i tyre, shtetasi Pjetër Lazri. 

Njoftimi i Policisë: 
Vau i Dejës/
Kontrolle masive në të gjithë territorin, me qëllim parandalimin, evidentimin dhe goditjen e veprimtarive kriminale në fushën e narkotikëve.
Finalizohet operacioni policor i koduar “Vigu”.
Arrestohen në flagrancë babë e bir, shpallet në kërkim bashkëpunëtori i tyre.
Sekuestrohen 22 kg lëndë narkotike canabis sativa.
Specialistët e Seksionit për Hetimin e Narkotikëve dhe Trafiqeve të Paligjshme, në bashkëpunim me shërbimet e Komisariatit të Policisë Vau i Dejës, në vijim të kontrolleve në terren, për evidentimin dhe goditjen e veprimtarisë kriminale në fushën e narkotikëve, kanë organizuar dhe finalizuar operacionin policor të koduar “Vigu”.
Si rezultat i këtij operacioni janë arrestuar në flagrancë, për veprën penale “Prodhimi dhe shitja e narkotikëve”, kryer në bashkëpunim, shtetasit:
M. N., 69 vjeç dhe K. N., 31 vjeç, banues në Vau i Dejës, Shkodër (babë e bir).
Gjithashtu u shpall në kërkim bashkëpunëtori i tyre, shtetasi P. L., 29 vjeç, banues në Vau i Dejës.
Gjatë operacionit, shërbimet e Policisë kanë ushtruar kontroll në banesën e shtetasit M. N., në lagjen "Kinema", Vau i Dejës, ku kanë gjetur dhe sekuestruar në cilësinë e provës materiale rreth 22 kilogramë kanabis, në proces tharjeje.
Punohet për kapjen e shtetasit P. L. dhe për dokumentimin e plotë të kësaj veprimtarie kriminale.
Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.

Sondazh

Poll

Lexo gjithashtu