Ish-kryeministri Sali Berisha është shprehur i gatshëm të shkojë dhe të dëshmojë në Prokurori për ngjarjet që ndodhën në protestën e dhunshme të 8 Janarit.
Megjithatë, ai akuzoi Prokurorinë dhe Policinë se janë të kapura, pasi e dinin që në selinë e PD-së kishte kriminelë dhe nuk vepruan për t’i kapur.
Pyetje: Në media qarkulloi një mesazh që juve dhe zotin Basha mund t’ju thërrasë Prokuroria, do shkoni?
Berisha: Që nesër të më thërrasë. S’kam asnjë kundërshtim. Ata janë të kapur. Prokuroria, policia, të gjithë e dinin që vrasës, përdhunues, trafikantë, janë në seli dhe nuk urdhëronte të kapeshin. Kjo prapë ka një anë tjetër, seps eunë për hir të qëndrimit ndaj ligjit, do shkoj padiskutim.