Ish-kryeministri Sali Berisha njofton se ditën e sotme do të fillojë lëvizja e tij, të cilën e ka quajtur Foltorja.
Foltorja do të jetë bashkëbisedim me demokratët në Tiranë dhe që do të vijojë në të gjithë Shqipërinë, me qëllimin e largimit të Lulzim Bashës dhe “rimarrjes” së Partisë Demokratike nga Berisha, ashtu siç ai është zotuar publikisht.
“Miq, një përshëndetje të përzemërt me këtë foto ditën që nisim Foltoren për një Parti Demokratike më të bashkuar, më të fortë, më të hapur. Rroft Partia Demokratike! Sb,” shprehet Berisha në rrjetet sociale.