Rusia duket se nuk po fokusohet vetëm te koronavirusi, por edhe në prodhimin e armëve më të fuqishme.
Prodhimi i fundit i rusëve është snajperi Lobaev SVLK-145, që pretendohet të jetë snajperi më i fuqishëm në botë.
Snajperi është në gjendje të vrasë deri në një distancë 3.2 km, raporton Daily Mail.
Arma kushton rreth 30 mijë euro dhe peshon 10 kilogram.
“Kjo armë u bë pjesë-pjesë, ashtu si Ferrari ose Porsche, për njerëzit që vlerësojnë armët me precizion të lartë, si dhe për snajperët profesionistë", thotë Yuri Sinichkin, inxhinier kryesor i kompanisë që prodhoi snajperin.
Arma gjuan plumbin prej 408 inç Cheyenne me shpejtësi 900m për sekondë, pothuajse trefish më shpejtë sesa shpejtësia e zërit.